ბექარ ფაჯიშვილის და შაკო მარგიანის ექსპედიცია უშბაზე

2024 წლის 3 ივნისიდან 6 ივნისის ჩათვლით სვანეთში, მწვერვალ უშბაზე ფედერაციის ეგიდით განხორციელდა ექსპედიცია. მისი ხელმძღვანელი იყო ბექარ ფაჯიშვილი, ხოლო მეორე მონაწილე – შაკო მარგიანი.

4 ივნისს 3450 მეტრზე გაიშალა საბაზო ბანაკი, საიდანაც მოხდა მიზნად დასახული მარშრუტის საფუძვლიანად დაკვირვება. წინა დღეებში მოსული უხვი ნალექის და უჩვეულოდ მაღალი ტემპერატურის გამო მარშრუტზე იყო უამრავი ზვავი და ქვათაცვენა. ღამის განმავლობაშიც კი, როდესაც ტემპერატურა შედარებით დაბალია, იყო განმეორებითი ზვავები. 

5 ივნისს დრონით გადაღებული კადრებით შესწავლამ აჩვენა, რომ მწვერვალის ის მონაკვეთი, სადაც ყველაზე კრიტიკული დახრა არის, თოვლი აღარ იყო გაჩერებული და ყინულით იყო დაფარული, რაც მთამსვლელების თავდაპირველ მიზანს – მწვერვალზე ასვლასა და უნაგირიდან სრიალს შეუძლებელს გახდიდა, ამიტომ გადაწყდა ექსპედიციის შეჩერება და ქვევით დაშვება.

რამდენიმე ათწლეულია, აღნიშნულ მარშრუტზე ქართველების ასვლის მცდელობა არ ყოფილა, რის გამოც საკმაოდ მწირი ინფორმაცია მოიპოვება მარშრუტის შესახებ.

ექსპედიციის დროს მარშრუტის შესწავლამ გვაჩვენა, რომ მოცემული მარშრუტისთვის შედარებით უსაფრთხო პირობებისთვის საჭირო იქნება დაბალი ტემპერატურა.

სწორედ ამიტომ, ექსპედიციის მონაწილეებს მიზნად აქვთ მომავალ წელს, უკეთეს პირობებში ხელმეორედ სცადონ პროექტის განხორციელება.

ფოტოგალერეა