გასვლა მწვერვალ ლაილასა და თეთნულდზე

2025 წლის 15 ივლისს ზემო სვანეთის რეგიონში ჩატარდა შეკრება მარიამ გელაშვილის, თამთა აბუსელიძესა და ელენე ჯანიაშვილის მონაწილეობით.

პირველი სააკლიმატიზაციო გასვლა განხორციელდა მწვერვალ ლაილაზე (ზ/დ 4009) თამთა აბუსელიძის და მარიამ გელაშვილის მონაწილეობით, ასვლა მიმდინარეობდა ერთი ღამის თევაში, 18-19 ივლისს, 18 ივლისს ჯგუფმა მიაღწია საბაზო ბანაკამდე, 19 ივლისს ავიდნენ მწვერვალზე და დაეშვნენ ბოლომდე სოფელ ცხუმარამდე.

მეორე გასვლა განხორციელდა მწვერვალ თეთნულზე (ზ/დ 4858). ექსპედიცია მიმდინარეობდა 23-25 ივლისს, მარიამ გელაშვილის, თამთა აბუსელიძის და ელენე ჯანიაშვილის მონაწილეობით.

ექსპედიცია გართულებების გარეშე წარიმართა და წარმატებით დასრულდა.

მწვერვალ ლაილასა და მწვერვალ თეთნულდს შორის დასვენების დღეს ჯგუფი შევიდა ლეხზირის ხეობაში და დაათვალიერა მარშუტები, განსაზღვრა სამომავლო გეგმები.

27 ივლისს მარიამ გელაშვილი შეუერთდა რამაზ ჯიქიას და ლევან მოსეშვილის გუნდს მწვერვალ შხარაზე, ბექნუ ხერგიანის 5ბ მარშუტზე, სადაც ჯგუფმა მიაღწია 4300 მეტრს.

თითოეულმა მათგანმა აღნიშნულ მარშუტზე მიიღო უდიდესო გამოცდილება, გზის გაგნების, საკარვეების მშენებლობის და რთულ კლდოვან რელიეფზე ცოცვის.

ჯგუფის ხელმძღვანელი იყო მარიამ გელაშვილი

ფოტოები